Rreth projektit EU4LMI

Projekti BE për Përfshirjen në Tregun e Punës (EU4LMI) synon të forcojë modelet gjithëpërfshirëse dhe aktive të punësimit dhe aftësive në 19 bashkitë e synuara të Prrenjasit, Gjirokastrës, Vorës, Mallakastrës, Cerrikut, Librazhdit, Shijakut, Kavajës, Kurbinit, Kukësit, Krujës, Pogradecit, Korçës, Kamzës, Vlorës, Shkodrës, Elbasanit, Durrësit dhe Tiranës, duke zgjeruar modelet e programeve aktive të tregut të punës (PATP) dhe programit të zhvillimit të aftësive. Projekti financohet nga Bashkimi Evropian dhe zbatohet nga PNUD, Shërbimi Publik Suedez i Punësimit (Arbetsförmedlingen) dhe Fondacioni Shqiptar i të Drejtave të Aftësisë së Kufizuar.

Qëllimi i projektit është të 'Forcojë partneritetet e Agjencisë Kombëtare të Punësimit dhe Aftësive me bashkitë në mënyrë që në fund të gjithë aktorët e tregut të punës të krijojnë dhe ofrojnë punësim gjithëpërfshirës dhe të integruar dhe zhvillim të aftësive për përfituesit e ndihmës ekonomike, NEET, PAK dhe nënat e reja që nuk janë në punësim.

Projekti është në përputhje me Strategjinë Kombëtare të Punësimit dhe Aftësive 2023-2030 të Qeverisë së Shqipërisë dhe adreson sfidat e tregut të punës në Shqipëri, të cilat përfshijnë papunësinë e lartë të të rinjve, hendekun e konsiderueshëm gjinor të punësimit dhe informalitetin e lartë. Duke punuar ngushtë me palët e interesuara lokale dhe kombëtare, projekti forcon rolin e aktorëve të tregut të punës për të ofruar shërbime të integruara të punësimit dhe sociale që ndihmojnë në mbylljen e hendekut për popullsitë e cenueshme.